Vdekja tragjike e 25-vjeçarit në Prizren, Haradinaj bën thirrje për rritje të sigurisë së punëtorëve
Një 25-vjeçar ka humbur jetën tragjikisht në vendin e punës në Prizren.
Lidhur me këtë, ka shkruar kreu i AAK-së, Ramush Haradinaj, i cili thotë se një vdekje në mënyrë kaq të parakohshme dhe fatkeqe është një ngjarje e dhimbshme për të gjithë.
Haradinaj u bënë thirrje ndërmarrësve që të rrisin nivelin e sigurisë fizike të punëtorëve.
“Lajmi për vdekjen tragjike të të riut nga Prizreni na ka tronditur të gjithëve. Një jetë e humbur në mënyrë kaq të parakohshme dhe fatkeqe është një ngjarje e dhimbshme për të gjithë ne. Në këto momente të vështira, mendimet dhe lutjet tona janë me familjen e të ndjerit. Lus ndërmarrësit kosovarë që të rrisin nivelin e sigurisë fizike të punëtorëve kurse për organet kompetente institucionale ky rast është edhe një alarm se ata duhet të rrisin përgjegjësitë e tyre dhe të rrisin nivelin e implementimit të ligjit”, ka shkruar Haradinaj.
