Tottenhami ka pësuar humbje në shtëpi nga Leicester City, në kuadër të xhiros së 23-të në Premierligë.
Edhe pse ishin në epërsi, “Dhelprat” e përmbysen për t’i arkëtuar pikët e plota me rezultat 1:2.
Tottenhami e nisi më mirë, me Richarlison që realizoi nga afërsia me kokë pas harkimit të mbrojtësit Pedro Porro (33’).
Sidoqoftë, Leicesteri ishte larg më i mirë në pjesën e dytë. Fillimisht De Cordova-Reid dhuroi një pasim të gjatë te Jamie Vardy, i cili me një finalizim të bukur e barazoi rezultatin (46’).
Kurse, vetëm katër minuta më vonë Bilal El Khanouss realizoi një supergol për ta përmbysur ndeshjen (50’).
Tottenhami lehtë mund të barazonte ose edhe ta fitonte ndeshjen, megjithatë si Kulusevski ashtu edhe Porro humbën raste nga afërsia.
Pas kësaj humbje, Tottenham qëndron në pozitën e 15-të me 24 pikë ndërsa Leicesteri ngjitët në vendin e 17-të me 17 sosh.
