Nasuf Hasani, avokat i ministres Albulena Haxhiu, ka akuzuar kolegun e tij, Besnik Berisha se ushtron profesionin e avokatit kundërligjshëm.
Në një postim në Facebook, Hasani ka thënë se Berisha udhëheq tri subjekte ekonomike.
“Bazuar në regjistrat zyrtar të ARBK-së, Besnik Berisha, së paku në tre subjekte ekonomike mban poziten e drejtorit.
Pozita e drejtorit në qdo subjekt ekonomik ështê marëdhënje e rregullt pune, e si rrjedhojë, Besnik Berisha, profesionin e avokatit e ushtron në mënyrë të kundraligjëshme, përkatësisht nê kundërshtim me Ligjin Nr. 04/L-193 për Avokatinë, në kundërshtim me Statutin e OAK-sê, dhe në Kundërshtim me Kodin e Etikës Profesionale tê Avokatit.” – shkruan ai.
Kujtojmë se ministrja e Drejtësisë Albulena Haxhiu ka paralajmëruar padi ndaj avokatit Berisha, pas akuzave të këtij të fundit se arrestimi i tij javën e kaluar ishte bërë me urdhër të saj.
