- Advertisement -
Po vazhdojnë trajnimet finale për sistemin digjital “My FFK”, një platformë gjithëpërfshirëse që digjitalizon të gjitha aspektet e organizimit të futbollit në vend.
Pas regjioneve të Prizrenit, Prishtinës dhe Pejës, sot trajnimi u mbajt për klubet, shkollat e futbollit, zyrtarët, referët dhe administratorët e regjionit të Mitrovicës.
Trajnimet do të vazhdojnë në ditët në vijim në regjionin e Gjakovës, Ferizajt dhe Gjilanit.
🤩 Rikujtojmë që edicioni garues 2025/26 do të nisë tërësisht i digjitalizuar, me të gjitha të dhënat e ndeshjeve të regjistruara drejtpërdrejt nga fushat e futbollit, në kohë reale.
