Qendërmbrojtësi i Manchester Unitedit, Raphael Varane ka treguar se do të pensionohet në një nga klubet ku ka luajtur, ose në “Old Trafford”.

Duke ndjekur humbjen në finale ndaj Argjentinës në Katar, 29-vjeçari befasoi të gjithë duke njoftuar pensionimin nga kombëtarja pavarësisht moshës së re.

Në një intervistë për “GQ Magazine”, Varane është pyetur se ku mund ta përfundojë karrierën dhe ai e pranoi se Unitedi është opsion real.

“Do ta përfundojë karrierën ose në Madrid, ose në Mançester ose në Lens. Nuk do të lëviz në një tjetër klub“.

“Por, Madridi duket i komplikuar për mua. Lojtarët zakonisht nuk rikthehen aty. Opsioni më i mundshëm duket ose këtu në Manchester ose në Lens“.

Ai nuk hezitoi të flet edhe për arsyen që vendosi të pensionohet nga kombëtarja franceze: “Sa më shumë t’i afrohesh moshës 30-vjeçare, aq më shumë e mendon“.

Varane tutje tregoi se gjërat kanë nisur të përmirësohen te United që kur vendosi të pensionohet nga Franca: “Ky sezon ka qenë i mirë për mua sepse kisha një parapërgatitje parasezonale të fortë. Kur ishte hera e fundit që një gjë e tillë më ndodhi?“.

“Sezonet e fundit kam përfunduar vonë dhe i nisa herët. Nuk kishim kohë për të punuar fizikisht dhe kur nuk luanim vetëm rikuperoheshim. Mund ta bësh këtë për disa sezone, por pas kësaj lodhësh ose lëndohesh“.

“Kjo i ka ndodhur të gjithë lojtarëve të shkëlqyer prandaj doja ta anashkaloja“.