Raphaël Varane është pyetur për intervistën e fundit të Cristiano Ronaldo, ku portugezi lëshoi shumë kritika për klubin e Manchester United.
Mbrojtësi francez, shok skuadre i Ronaldos te Man United e Real Madridi, ka thënë se intervista e portugezit ka afektuar të gjithë në dhomat e zhveshjes te Man United.
“Dukshëm, na afekton të gjithëve. Ne ndjekim se çfarë ndodh dhe çfarë thuhet. Provojmë të qetësojmë situatën në mënyrën tonë dhe tentojmë të mos përfshihemi”, ka thënë Varane.
“Kur është një yll si Cristiano Ronaldo, edhe më shumë, kështu që ne provojmë të marrim me distancën, që nënkupton se s’provojmë ta zgjidhim vet situatën, pasi jemi grup kolektiv”, shtoi mbrojtësi i United.
“Ajo që dua është më e mira për shokët e skuadrës, kështu që çfarëdo vendimi, si lojtarë, ne do ta pranojmë atë dhe do të japim më të mirën nga vetja”, shtoi mes tjerash ylli i United.
Varane dhe Ronaldo kanë fituar një numër të madh trofeshë sa ishin pjesë e Real Madrid. Gjithsesi, francezi nuk preferon të përfshihet në këtë konflikt të CR7 me klubin e Man United.
