Vanessa Hudgens ka ndarë me ndjekësit e saj një lajm të ëmbël: ajo dhe bashkëshorti Cole Tucker janë në pritje të fëmijës së tyre të dytë.
Aktorja 36-vjeçare postoi në Instagram disa fotografi të dashura ku shfaqet me barkun e rrumbullakosur, ndërsa mban dorën e Cole-it dhe buzëqesh me të.
“Raundi i dytë!!!!” – shkroi Vanessa në përshkrimin e postimit, duke treguar me entuziazëm shtatzëninë e re, shkruan DailyMail.
Çifti i martuar në dhjetor të vitit të kaluar në një ceremoni romantike në Tulum të Meksikës, tashmë po bëhet gati të zgjerojë familjen.
Vanessa dhe Cole e nisën historinë e tyre të dashurisë në vitin 2021, pas një njohjeje të pazakontë gjatë një seance meditimi në Zoom, në kohën e pandemisë.
Ata u fejuan në fillim të vitit 2023 dhe që prej atëherë janë treguar të hapur për dashurinë e tyre.
Hudgens ka folur edhe për presionin publik rreth shtatzënisë, duke treguar se komentet spekulative që mori gjatë beqarisë në 2023 e bënë të ndihej jo rehat.
Megjithatë, tani ajo duket më e lumtur se kurrë dhe mirënjohëse për çdo hap që e ka çuar drejt këtij kapitulli të ri.
