Natalia Bryant ka folur për mbajtjen gjallë të trashëgimisë së babait të saj të ndjerë, basketbollistit Kobe Bryant.
Studentja e Universitetit të Kalifornisë Jugore, 20-vjeçe, foli hapur për babanë e saj i cili vdiq tragjikisht në një përplasje helikopteri me vajzën e tij Gianna në 2020, gjatë një interviste me “Elle”, botuar më 11 tetor. Gjatë bisedës, Natalia përshkroi një nga mentalitetet e përditshme të yllit të NBA, të cilën ai e kishte diskutuar më parë me fansat e tij.
“Mentaliteti Mamba ka të bëjë me përpjekjen e vazhdueshme për të qenë versioni më i mirë i vetes. Ka të bëjë me dhënien e më të mirës nga vetja në çdo kohë, pavarësisht nga gjithë zhurma”, shpjegoi ajo.
Modelja më pas shtoi se dëshiron t’i përmbahet mentalitetit të babait të saj në jetën e përditshme.
“Dua të sigurohem që mentaliteti të mbetet i paprekur, sepse mund të jetë kaq e lehtë të heqësh dorë nga vetja kur gjërat bëhen të vështira”, tha ajo. “Duhet t’i kujtoni vetes se me pozitivitet dhe elasticitet mund të bëni gjithçka”.
Natalia shpjegoi gjithashtu se si babai i saj frymëzoi karrierën dhe interesat e saj, duke shtuar: “Ai është arsyeja që unë jam duke ndjekur studimet e filmit në kolegj. Dhe ai është arsyeja që filmi më ka frymëzuar të krijoj kujtime si tonat, dhe që edhe shumë baballarë e vajza tjera të bashkohen si ne”.
