Trupat ruse “kanë ngadalësuar ofensivën e tyre”, por ende po ecin para në Ukrainë, thuhet në një deklaratë nga Shtabi i Përgjithshëm i Forcave të Armatosura të Ukrainës.
“Gjatë operacionit ajror-sulmues, armiku vazhdoi të angazhohej në fusha ajrore dhe civile, pika komanduese ushtarake, sisteme të mbrojtjes ajrore, infrastrukturë të rëndësishme kritike, qendra të populluara dhe njësi në zonën e mbrojtjes”, thuhet në kumtesë.
“Në shkelje të normave të së drejtës ndërkombëtare humanitare, pushtuesit kanë shkaktuar sulme tinëzare me raketa në ndërtesat e banimit në Zhytomir dhe Chernyhiv”.
Prononcimi shtoi se forcat ukrainase po zmbrapsnin sulmet ruse, “duke e detyruar armikun të braktiste ofensivën”.
Që nga e hëna, zjarri i artilerisë nga një prej brigadave ukrainase kishte shkatërruar më shumë se pesë autokolona ruse, thuhet më tej.
