Gjatë ditëve të nxehta të verës, plazhi është vendi ideal për relaksim dhe argëtim. Por, disa zgjedhje ushqimore mund të rrezikojnë shëndetin tuaj dhe të prishin kënaqësinë e ditës. Mishi i papërpunuar, si peshku ose mishi i kuq, mund të përmbajë baktere të dëmshme si Vibrio vulnificus, që shkakton infeksione të rrezikshme, sidomos kur temperaturat janë të larta.
Sallatat apo ushqimet me majonezë, janë të pasigurta për t’u konsumuar jashtë frigoriferit, pasi bakteret mund të zhvillohen shpejt në to. Frutat e prera, si shalqiri ose ananasi, mund të zhvillojnë baktere dhe të tërheqin insekte. Është më mirë të mos i prisni deri në momentin e konsumimit.
Pijet alkoolike shkaktojnë dehidrim dhe mund të rrisin ndjeshmërinë ndaj diellit, duke e bërë më të vështirë mbajtjen e niveleve të duhura të energjisë. Pijet me gaz dhe ato me sheqer të lartë mund të shkaktojnë fryrje dhe të mos ju hidratojnë siç duhet. Zgjidhni ujë të thjeshtë ose çaj të ftohtë pa sheqer.
Ushqime të skuqura dhe të pasura me yndyrna mund të shkaktojnë ndjesi të rëndesës dhe të ngadalësojnë tretjen, duke e bërë ditën tuaj në plazh më të pakëndshme. Përmbajtja e lartë e kripës mund të shkaktojë dehidrim dhe të rrisë ndjeshmërinë ndaj diellit
