- Advertisement -
Adele ka ndezur thashethemet se mund të jetë fejuar me të dashurin e saj, Rich Paul gjatë ceremonisë së “Brit Awards”. Këngëtarja 33-vjeçare shkeli në tapetin e kuq e veshur me një fustan kadifeje të zezë dhe një unazë me një gur të madh rrëzëllitës.
Ekipi i veshjes së artistes tha se vathët e saj ishin 50 karatë, por refuzuan të jepnin informacion mbi unazën. Kjo e fundit është punuar nga argjendarja e preferuar e të famshmëve, Lorraine Schwartz.
Sipas ekspertëve të gurëve të çmuar, unaza është vlerësuar 7-10 karatë. Ndërsa sipas cilësisë, çmimi i saj varion nga 250.000-500.000 Dollarë. Adele nuk ka konfirmuar apo mohuar fejesën e saj, por ka vazhduar të shfaqet në publik me aksesorin e çmuar.
