Komandanti i KFOR-it, Ozkan Ulutas, ka pritur sot në takim Sekretarin e Shtetit Gjerman në Ministrinë Federale të Mbrojtjes, Jan Stöß. Ky takim u zhvillua në shtabin e përgjithshëm të KFOR-it në Kampin Film City, në Prishtinë.
KFOR njofton edhe se, Ulutas gjatë takimit ka përshkruar situatën e sigurisë në rajon, si dhe, ka theksuar angazhimin e KFOR-it për të ruajtur një mjedis të sigurt për të gjithë njerëzit në Kosovë.
‘’ Në këtë kontekst, Gjenerali Ulutaş përgëzoi kontributet e gjata të Gjermanisë në misionin KFOR të udhëhequr nga NATO’’, thuhet mes tjerash në njoftim.
Njoftimi:
Sot, Komandanti i misionit KFOR të udhëhequr nga NATO, Gjeneral Major Özkan Ulutaş, priti Sekretarin e Shtetit Gjerman në Ministrinë Federale të Mbrojtjes, Sh.T. Jan Stöß, në Shtabin e Përgjithshëm të KFOR-it në Kampin Film City, në Prishtina.
Takimi i dha Komandantit një mundësi të vlefshme për të përshkruar situatën e sigurisë në rajon, duke theksuar angazhimin e KFOR-it për të ruajtur një mjedis të sigurt për të gjithë njerëzit në Kosovë. Në këtë kontekst, Gjenerali Ulutaş përgëzoi kontributet e gjata të Gjermanisë në misionin KFOR të udhëhequr nga NATO.
KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si reagues të sigurisë.
