Ukraina ka mohuar përfshirjen e drejtpërdrejtë në një sulm të supozuar me dron në kryeqytetin rus, Moskë, të martën.

“Sigurisht, ne kënaqemi duke parë dhe parashikuar një rritje të sulmeve. Por sigurisht, ne nuk kemi asgjë të bëjmë drejtpërdrejt me të”, tha këshilltari presidencial ukrainas Mykhailo Podolyak.

Ai tha gjithashtu, “Ajo që po rritet në Rusi është pagesa karmike që Rusia do të paguajë gradualisht në formë të rënduar për gjithçka që bën në Ukrainë”, raporton CNN.

Rusia kishte fajësuar Ukrainën për sulmet e supozuara herët të martën.