Regjimenti Azov ka thënë se gjatë një armëpushimi “në territorin e fabrikës Azovstal”, në Mariupol, forcat ruse kanë hapur zjarr ndaj një arme anti-tanke në një veturë që ishte duke provuar të ndihmojë në evakuimin e civilëve.
CNN, që raportoi lajmin, tha se nuk ka mundur të verifikojë nëse ka qenë në fuqi armëpushimi.
Në një postim në Telegram, regjimenti thotë: “Si pasojë e granatimeve, një luftëtar u vra dhe gjashtë të tjerë u plagosën. Armiku po vazhdon të shkelë të gjitha marrëveshjet dhe dështon dhe dështon të respektojnë garancitë e sigurisë për evakuimin e civilëve”.
Regjimenti i Azov ka dhjetëra luftëtarë të bllokuar ende në kompleksin e çelikut.
Një komandant ukrainas në fabrikën e çelikut Azovstal në Mariupol tha se “betejat e përgjakshme” po zhvillohen me forcat ruse brenda kompleksit, pasi ato thyen perimetrin. Zyrtarët ukrainas thonë se përpjekjet për shpëtimin e civilëve të bllokuar janë planifikuar për të premten.
