UEFA nis hetimet për 2 ndeshje që konsiderohen si të dyshimta për manipulim në Conference League

UEFA ka regjistruar dy ndeshje të Ligës së Konferencës që dyshohet se janë manipuluar për shkak të basteve të çuditshme ka zbuluar Athletic.

Njëra ishte fitorja e skuadrës armene, Alashkert, në ndeshjen e dytë 6-1 ndaj Arsenal Tivat të Malit të Zi, e cila i kaloi ata me rezultatin e përgjithshëm 7-2. Tjetra ishte fitorja 4-1 e ekipit letonezëve të RFS ndaj Makedonija GP, ekip nga Maqedonia e Veriut, një tjetër ndeshje e dytë, e cila i kaloi ata me rezultatin 5-1 në total.

Vihet re se Alashkert dhe RFS më pas u eliminuan në raundin e dytë kualifikues.