Udhëheqësi i opozitës izraelite i bën thirrje Netanyahut të japë dorëheqjen

Për herë të parë që nga fillimi i luftës, udhëheqësi i opozitës në Izrael, Yair Lapid i ka bërë thirrje kryeministrit izraelit të japë dorëheqjen.

Në një intervistë për lajmet e Channel 12 të Izraelit, figura e opozitës izraelite tha se Netanyahu duhet të japë dorëheqjen sepse ka humbur besimin e publikut, shkruan Al Jazeera.

“Ne kemi nevojë për një qeveri të cilës mund t’i besohet,” tha Lapid, i cili sugjeroi se partia e tij mund të formonte një qeveri me Likud-in e Netanyahut dhe parti të tjera politike.

Times of Israel raportoi se Likud kritikoi komentet e Lapidit, duke e akuzuar atë për “luajtje të politikës në kohë lufte”.