Ukraina dhe SHBA-ja kanë nënshkruar të mërkurën një marrëveshje të promovuar shumë nga presidenti i SHBA-së, Donald Trump, që do t’i japë Shteteve të Bashkuara akses preferencial në marrëveshjet e reja të mineraleve të Ukrainës dhe fondit investiv.
Të dy vendet nënshkruan marrëveshjen në Uashington pas muajsh negociatash nganjëherë të vështira, ka raportuar Reuters, përcjell Express.
Marrëveshja krijon një fond të përbashkët investimi për rindërtimin e Ukrainës, ndërsa Trump përpiqet të sigurojë një zgjidhje paqeje në luftën trevjeçare të Rusisë në Ukrainë.
Marrëveshja është thelbësore në përpjekjet e Kievit për të përmirësuar lidhjet me Trump dhe Shtëpinë e Bardhë, të cilat u prishën pasi ai mori detyrën në janar.
Sekretari i Thesarit i SHBA-së Scott Bessent dhe zëvendëskryeministrja e parë e Ukrainës, Yulia Svyrydenko u panë duke nënshkruar marrëveshjen në një foto të postuar në X nga Thesari, e cila tha se marrëveshja “sinjalizon qartë angazhimin e administratës Trump për një Ukrainë të lirë, sovrane dhe të begatë”.
