U vendos një arkivol para një shtëpie në Viti, policia jep detaje për rastin

Policia e Kosovës ka dhënë detaje për rastin ku u vendos një arkivol para shtëpisë së një familje në Viti.

Zëdhënësi rajonal i Gjilanit, Valon Osmani, ka deklaruar se arkivoli ishte i zbrazët dhe se kanë filluar hetimet për këtë rast.

“Njësite policore relevante menjëherë kanë dalë në vendin e ngjarjes dhe në koordinim me Prokurorinë e Shtetit kanë filluar hetimet në identifikimin e personave të dyshuar, ndriçimin dhe sqarimin e të gjitha rrethanave të rastit” – ka thënë ai.