Jonathan Bailey është shpallur “Mashkulli më seksi në botë” nga revista PEOPLE, dhe aktori ka thënë se është një “nder i madh”. 37-vjeçari britanik fitoi famë ndërkombëtare me rolin e Lord Anthony Bridgerton në serialin romantik historik të Netflix, Bridgerton, që prej vitit 2020.
Së fundmi, ai interpretoi Fiyero-n në filmin muzikor fantastik “Wicked” vitin e kaluar, përkrah Ariana Grande dhe Cynthia Erivo, ndërsa u shfaq gjithashtu në “Jurassic World Rebirth“. Bailey ka qenë në qendër të vëmendjes prej disa vitesh, ndaj nuk është për t’u habitur që PEOPLE e ka shpallur “Mashkulli më seksi në botë” për këtë nëntor, duke e cilësuar si “një nga yjet më ‘magnetikë’ të Hollywood-it të kësaj epoke”.
Lajmi u bë publik gjatë emisionit The Tonight Show Starring Jimmy Fallon mbrëmjen e së hënës, më 3 nëntor, kur perdja u hap për të treguar Bailey-n përpara një kopertine gjigante të revistës PEOPLE, duke bërë një vallëzim të vogël përpara se të dilte në skenë mes duartrokitjeve.
Kur moderatori e pyeti si ndihej, aktori u shpreh se ishte “nderi i jetës sime”, duke falënderuar Fallonin “që e refuzove titullin që të mund të isha unë këtu”.
Pasi nënshkroi kopertinën për Fallon, moderatori shpjegoi se ky titull është “një çështje e madhe”, pasi këtë vit revista shënon 40-vjetorin e traditës së përzgjedhjes së “Burrit Më Seksi në Botë”, duke e vendosur Bailey-n në një listë të gjatë me emra të njohur ndër vite.
I pyetur se ku ndodhej kur mori telefonatën, Bailey mezi foli nga emocioni. Ai shpjegoi se ishte në mes të një projekti artistik, duke bërë foto për të dokumentuar “ngritjen dhe rënien e mbretit” gjatë shfaqjes, kur mori lajmin.
“Isha plotësisht në rol,” rrëfeu ai, ndërsa publiku qeshi me disa nga fotot e tij teatrale. “Të luash Richard II është një çmenduri më vete, e vetmja gjë më e çmendur është të ftohesh për këtë titull.”
Bailey shtoi me humor:
“Jam vërtet i lumtur që në vitin 2025, revista PEOPLE ka vendosur t’ia japë këtë nder dikujt që mund ta vlerësojë me të vërtetë kuptimin e një ‘burri seksi’.”
