Pedagogu Petraq Milo ka reaguar në lidhje me dhunën e ushtruar ndaj tij në kufirin malazez nga punonjësit e Policisë në Mal të Zi.

Ai u shpreh në një lidhje live në “Euronews Albania” se në momentin që është dhunuar makina e tij ka qenë duke pritur në radhë.

“Po të shikoni videon me kujdes, makina jonë është në radhë habitem se si nuk është evidentuar ky fakt”, ka thënë ai.

Reagimi i tij vjen , pasi autoritetet malazeze kanë deklaruar se Milo dhe familja e tij kanë penguar  komunikacionin.

Ndërkohë ditën e djeshme u arrestuan dy policët që ushtruan dhunë ndaj tij në doganën e Muriqanit.