Para se të hyjë zyrtarisht në inventar, Kizilelma ka treguar fuqinë e konceptit turk për të “parë pa u parë, goditur pa u goditur”.
Turqia ka shënuar një arritje të jashtëzakonshme në fushën e aviacionit, teksa droni luftarak Bayraktar Kizilelma ka bërë histori edhe para se të hyjë zyrtarisht në shërbim.
Për herë të parë në botë, një aeroplan pa pilot ka shkatërruar një objektiv me motor me djegie të brendshme, duke përdorur një raketë ajër-ajër me rreze që tejkalon shikimin vizual.
Testi u zhvillua në Sinop, ku Kizilelma identifikoi objektivin përmes radarit AESA MURAD të zhvilluar nga ASELSAN dhe qëlloi me raketën GÖKDOĞAN të prodhuar nga TÜBİTAK SAGE, e vendosur nën krahun e saj.
Raketës i doli një goditje direkte, duke shënuar një pikë historike në zhvillimin e avionëve luftarakë pa pilot.
Gjatë misionit, pesë avionë F-16 dhe një dron AKINCI shoqëruan Kizilelma-n, duke treguar me sukses aftësitë për operacione të përbashkëta mes pajisjeve me pilot dhe pa pilot.
Ky provë tregon se droni Kizilelma ka aftësi reale për luftë ajër-ajër, duke e vendosur Turqinë në pararojë të teknologjisë moderne ushtarake.
Para se të hyjë zyrtarisht në inventar, Kizilelma ka treguar fuqinë e konceptit turk për të “parë pa u parë, goditur pa u goditur”.
