Marrëdhëniet e trajnerit italian Antonio Conte me drejtuesit e skuadrës Spurs të Londrës nuk janë më të mirat.
Siç mund të kuptohet nga deklaratat e tij të fundit, ai në thelb ka shprehur një ankesë drejtuar drejtuesve, si vazhdimësi e problemit që ka me planifikimin e transfertave.
Kontrata e Antonio Contes skadon verën e ardhshme, por Tottenham ka si opsion për ta rinovuar marrëveshjen edhe për një vit tjetër, nëse palët bien dakort.
Mirëpo këto “incidente” të vogla, që kanë ndodhur mes drejtuesve dhe trajnerit, kanë bërë që “sturmat” të shikojnë opsione alternative, sipas gazetës angleze dhe një prej kandidaturave është Thomas Tuchel, i cili së fundmi u shkarkua nga Chelsea.
Tekniku gjerman do ta shikonte me një sy pozitiv rikthimin e tij në Premierligë dhe sigurisht që është një emër që do të kënaqte drejtuesit e londinezëve, si pasues për Conten, në rast se nuk do të vazhdonin bashkëpunimin.
