Presidenti i zgjedhur i ShBA-së, Donald Trump, po shqyrton mundësinë e zëvendësimit të kandidatit të tij për sekretar të mbrojtjes, Pete Hegseth, pas akuzave për sjellje të pahijshme dhe shqetësimeve mbi kualifikimet e tij.
Sipas BBC News, Trump mund të emërojë Guvernatorin e Floridës, Ron DeSantis për këtë post.
Hegseth, ish-ushtarak dhe ish-prezantues i Fox News, është përballur me akuza për një sulm të dyshuar seksual të ndodhur në vitin 2017.
Edhe pse Hegseth i ka mohuar këto akuza dhe nuk është arrestuar apo akuzuar zyrtarisht, çështja ka shkaktuar shqetësime në radhët e Partisë Republikane.
Senatorët republikanë, të cilët kanë kompetencën për të konfirmuar ose refuzuar kandidaturën, kanë shprehur skepticizëm.
“Disa nga këto raporte janë shumë shqetësuese”, tha senatorja Lindsey Graham.
Të paktën katër republikanë në Senat pritet të votojnë kundër emërimit të Hegseth, duke rrezikuar miratimin e tij.
Ndërkohë, DeSantis, një ish-rival i Trumpit gjatë primareve republikane, nuk ka komentuar mbi raportimet, por konsiderohet një figurë që mund të sjellë stabilitet në ekipin e ri të Trump.
