Presidenti i SHBA-së, Donald Trump, ka mbërritur në Arabinë Saudite për një vizitë katërditore në Gjirin Persik, me fokus te marrëveshjet ekonomike dhe investimet nga vendet e pasura me naftë.

Ai po kërkon deri në 1 trilion dollarë investime nga Arabia Saudite, ndërsa mbetet pa e vizituar Izraelin,  një veprim që ka ngritur pikëpyetje për prioritetet e Uashingtonit, raporton Reuters, transmeton Klankosova.tv.

Në forumin e përbashkët të investimeve në Riad, ministri saudit i Investimeve, Khalid al-Falih, tha se bashkëpunimi SHBA-Arabi ka sjellë rezultate të mëdha, ndërsa theksoi zgjerimin e mundësive përtej sektorit të energjisë.

Trump u prit nga princi i kurorës, Mohammed bin Salman, ndërsa forumi tuboi emra të njohur si CEO-t e BlackRock dhe Blackstone. Vizita përfshin edhe ndalesa në Katar dhe Emiratet e Bashkuara Arabe.