Pas takimit të tij me presidentin rus Vladimir Putin dhe telefonatës me udhëheqësit e NATO-s – përfshirë presidentin Zelensky të Ukrainës – Presidenti i SHBA-së Donald Trump thotë se “të gjithë e përcaktuan se mënyra më e mirë për t’i dhënë fund luftës së tmerrshme midis Rusisë dhe Ukrainës është të shkohet drejtpërdrejt në një Marrëveshje Paqeje”.
Në një përditësim në platformën e tij Truth Social, Trump thotë se kjo do t’i jepte fund luftës dhe do të ishte më thelbësore sesa “një Marrëveshje e thjeshtë Armëpushimi”.
Presidenti i SHBA-së shton se pati “një ditë të shkëlqyer dhe shumë të suksesshme në Alaska”.
Trump gjithashtu konfirmoi se presidenti ukrainas do të fluturojë për në Uashington DC për bisedime në Zyrën Ovale të hënën.
“Nëse gjithçka shkon mirë, ne do të caktojmë një takim me Presidentin Putin. Potencialisht, miliona jetë njerëzish do të shpëtohen”, thotë ai.
