Udhëheqësit evropianë do t’i bashkohen Presidentit ukrainas Volodymyr Zelensky në Shtëpinë e Bardhë, ndërsa ai takohet me Presidentin e SHBA-së Donald Trump këtë pasdite.
Trump tha se Zelensky duhet të bjerë dakord me disa nga kushtet e Rusisë – duke përfshirë që Ukraina të heqë dorë nga Krimea dhe të pranojë të mos bashkohet kurrë me NATO -n – që lufta të marrë fund.
Në samitin e javës së kaluar me Trump, Presidenti rus Vladimir Putin ra dakord të lejojë garanci sigurie për Ukrainën dhe bëri lëshime për “shkëmbimet e territoreve” si pjesë e një marrëveshjeje të mundshme paqeje, tha për CNN i dërguari i SHBA-së Steve Witkoff. Zelensky sugjeroi që garanci të tilla do të duhej të ishin më të forta se ato që “nuk funksionuan” në të kaluarën. Rusia ende nuk i ka përmendur marrëveshje të tilla./TCH
