Trepça ka shënuar fitore ndaj Yllit në ndeshjen e tretë finale me shifrat 85-78.
Çerekun e parë e dominoi Ylli me shifrat 21-11, teksa në të dytin mitrovicasit u kthyen fuqishëm duke triumfuar 26-10.
Megjithatë, suharekasit u këndellën në periodën e tretë 23-18, por çereku i fundit 30-24 ishte përcaktues në fitoren e Trepçës, me shifrat 85-78.
Ndeshja e radhës zhvillohet në Suharekës, me Trepçën nëse shënon fitore do të shpallet kampione.
Më i dalluari në fitoren e mitrovicasve ishte Kevin Capers, me 19 pikë, shtatë kërcime dhe shtatë asistime.
Ai u ndihmua nga Darnell Edge, me 15 pikë, gjashtë kërcime dhe gjashtë asistime.
Ndërkohë te Ylli u shqua Alonzo Verge Jr, me 28 pikë, dy kërcime dhe pesë asistime.
Ndryshe ‘Xehetarët’ kërkojnë trofeun e katërt për këtë edicion, pas Kupës, Superkupës dhe Ligës Unike dhe titullin e pestë në histori, derisa therandasit titullin e tretë në histori, pasi më 2021 dhe 2022 u shpallën kampionë të Kosovës.
