Trepça ka triumfuar në Prizren ndaj Bashkimit me rezultat 71:88 (15:17, 17:20, 13:24, 26:27), ku tani mitrovicasit udhëheqin me seri 2-1.
Çereku i parë ishte i luftuar maksimalisht nga të dy skuadrat, ku asnjëra nuk arrinte të shkëputej, duke përfunduar 15:17, derisa edhe periudha e dytë ishte e ngjashme, por kësaj radhe për prizrenasit 17:20, për të shkuar në pushim me shifrat 32:27.
Dallimi i madh dhe vendimtar u bë në periudhën e tretë, që ju takoi bindshëm mysafirëve 13:24, që ishte e mjaftueshme, pasi në dhjetë minutat e fundit ruajtën epërsinë dhe shënuan fitore shumë të rëndësishme 71:88.
Te vendasit pesë basketbollistë shënuan pikë dyshifrore, ndërsa Jayveous Mckinnis e mbylli ndeshjen me 14 pikë e pesë kërcime, kurse te mitrovicasit Junior Madut e mbylli ndeshjen me 16 pikë, gjashtë kërcime e katër asistime.
Ndeshja e ardhshme zhvillohet të mërkurën në Mitrovicë. Skuadra që shënon katër fitore shpallet kampione e Kosovës. /Telegrafi/
