Raphinha shkëlqeu në këtë përballje, duke shënuar het-trik, teksa asistoi në dy gola të tjerë.
Braziliani shënoi golin e parë të takimit në minutën e 20-të, i asistuar nga Pau Cubarsi.
🚨🇪🇸 GOAL | Barcelona 1-0 Valladolid | Raphinha
RAPHINHA OPENS THE SCORING FOR BARCELONA !!!!!!!!!!!pic.twitter.com/6xGmzS3qRR
— Tekkers Foot (@tekkersfoot) August 31, 2024
Vetëm katër minuta më vonë, Yamal asistoi për Lewandowskin, me këtë të fundin që dyfishoi epërsinë.
Jules Kounde shënoi për 3:0 në minutat shtesë të pjesës së parë.
🚨🇪🇸 GOAL | Barcelona 3-0 Valladolid | Kounde
KOUNDE MAKES IT THREE!pic.twitter.com/H4ws7p1TeA
— Tekkers Foot (@tekkersfoot) August 31, 2024
Raphinha gjeti golin e dytë personal në minutën e 64-të, për rezultatin 4:0, me Lewandowskin që ishte në rolin e asistuesit kësaj radhe.
Tetë minuta më vonë, ylli brazilian kompletoi het-trikun e tij, duke shënuar për 5:0.
Dani Olmo në ndeshjen e tij të parë nga fillimi te Barcelona, shënoi për 6:0 në minutën e 82-të, teksa u zëvendësua dy minuta më pas.
Për rezultatin final 7:0 shënoi Ferran Torres në minutën e 85-të. Si në golin paraprak, edhe në këtë rast, Raphinha ishte asistues, duke mbyllur një natë magjike për të me tre gola e dy asiste.
Barcelona me fitoren 7:0 në xhiron e katërt, vazhdon të jetë e vetmja skuadër me pikë të plota në La Liga në sezonin e ri.
