Presidenti Donald Trump nënshkroi një urdhër ekzekutiv që synon të ndalojë sportistët transgjinorë të marrin pjesë në sportet e vajzave dhe grave.

“Me këtë urdhër ekzekutiv, lufta ndaj sportit të grave ka përfunduar”, tha Trump në një ceremoni nënshkrimi.

Sipas Shtëpisë së Bardhë, do të kërkohet që urdhri të zbatohet menjëherë dhe do të ndërmerren veprime kundër shkollave apo shoqatave atletike që u mohojnë grave sportet me një seks të vetëm dhe dhomat e zhveshjes vetëm për to.

Koha e urdhrit përkoi me Ditën Kombëtare të Vajzave dhe Grave në Sport dhe është e fundit në një varg veprimesh ekzekutive nga Trump në lidhje me njerëzit transgjinore.