Rruga Ruzhdi Salihu në Mati 1 në Prishtinë, u trazua fort nga sulmi që ju bë trajnerit Faruk Statovci teksa po kthehej në shtëpi.

Dy persona të maskuar e sulmuan me shkopinj bejsbolli të dielën pasmesnate. Ishte goditur në kokë ku ka disa qepje, pastaj i dëmtuar në hundë, këmbë e dorë.

Kjo lagje është e mbuluar me disa kamera, filmimet e të cilave Statovci tha se policia i ka thënë që do t’i marr të hënën pasdite.

Statovci është edhe analist i futbollit, zanat të cilin thotë se nuk do ta ndal.