Presidentja e Republikës së Kosovës, Vjosa Osmani ka reaguar për tragjedinë e ndodhur sot në Beograd ku kanë mbetur të vdekur 9 persona dhe disa të plagosur.
Autori i kësaj ngjarjeje të tmerrshme është një 14-vjeçar i cili me armë zjarri ka privuar nga jeta disa prej shokëve të tij të klasës në shkollën fillore “Vlladisllav Ribnikar” në Beograd.
Osmani ka shkruar se s’ka asgjë më më shumë vlerë sesa jeta e një fëmije dhe se s’ka asgjë më të dhimbshme se ta humbësh atë jetë.
Shefja e shtetit ka dërguar ngushëllimet e saj për të gjithë prindërit që kanë humbur fëmijët e tyre në rastin e tmerrshëm në Begorad dhe gjithashtu ka theksuar se Kosova lutet për shërim të shpejtë të të plagosurve të tjerë.
“Nuk ka asgjë më të vlefshme se jeta e një fëmije dhe asgjë më e dhimbshme se humbja e asaj jete. I dërgoj ngushëllimet e mia më të thella të gjithë prindërve që humbën fëmijët e tyre në një sulm të tmerrshëm në shkollë sot në Beograd dhe lutemi për shërim të shpejtë për të gjithë të plagosurit”, ka shkruar Osmani.
There’s nothing more valuable than the life of a child and nothing more painful than the loss of that life. I send my deepest condolences to all parents who lost their children in a horrible school shooting today in Belgrade and we pray for a speedy recovery to all those injured.
— Vjosa Osmani (@VjosaOsmaniPRKS) May 3, 2023
