Francesco Totti i ka dalë në mbrojtje yllit të PSG, Kylian Mbappe.
Ikona e Romës ka komentuar zgjedhjen e Kylian Mbappe për të qëndruar te Paris Saint-Germain, në kohën kur lidhej me një kalim të mundshëm te Real Madrid.
Ky veprim i ka kujtuar Tottit zgjedhjen që ai vet bënte para 20 viteve, për të qëndruar në Romë.
“Jam i lumtur me zgjedhjen e Mbappe, sepse është zgjedhje nga zemra. Ai u rrit në Paris”, ka thënë Totti
“Nuk është e lehtë të refuzohet Real Madridi. Unë e refuzova 20 vite më parë, për të qëndruar në Romë. Ai bëri vendimin e duhur. Rrënjët janë më të rëndësishme”, shtoi tutje ikona e Romës.
Kylian Mbappe u akuzua se refuzoi Real Madridin për të holla, por edhe Nasser Al-Khelaifi hodhi poshtë një version të tillë, duke thënë se ‘Los Blancos’ ofruan më shumë sesa PSG.
