Legjendat e Real Madridit Toni Kroos dhe Marcelo e kanë zgjedhur Cristiano Ronaldon para Vinicius Jr, kur iu kërkua të zgjedhin më të mirët nga skuadra aktuale dhe ekipi më i mirë ndonjëherë.
Në një video të Tiktokit, Marcelo e tha se ish ekipi i tij ishte më i mirë se ky aktual. Ndërkohë pavarësisht vështirësive zgjodhi Ronaldon para Viniciusit.
“Vini është i pabesueshëm, por ekip kundër ekipit, i yni ishte diçka tjetër. Është vështirë të krahasohet me ta. Cristiano është mbi të gjithë”, tha braziliani.
Ndërkohë, përgjigje të ngjashme kishte edhe Kroos, kur iu kërkua edhe gjermanit të zgjedhë mes yjeve madrilenë.
“Edhe Vini do ta zgjidhte Cristianon”, shtoi ai duke qeshur.
Cristiano Ronaldo kaloi nëntë sezone te Real Madridi, për të shënuar 450 gola dhe asistuar 131 herë në 438 ndeshje. Ai e fitoi katër herë Ligën e Kampionëve, ndërsa edhe Kupën e Mbretit, La Liga-n si dhe dy herë Superkupën e UEFA-s.
Vini në anën tjetër është me Real Madridin që nga 2018, ku e ka fituar tre herë ligën si dhe dy herë Ligën e Kampionëve. Ai ka zhvilluar 340 ndeshje për “Los Blancos”, për të shënuar 111 gola dhe dhuruar 89 asistime.







