Tommy Lee është akuzuar së fundmi për sulm seksual ndaj një gruaje në kabinën e një helikopteri 20 vite më parë. Akuzuesja, e identifikuar vetëm si Jane Doe në një padi të ngritur në Los Anxhelos pretendon se bateristi i Mötley Crüe ” e ka sulmuar gjatë një fluturimi 40-minutësh nga San Diego County në Van Nuys, Kaliforni, në shkurt 2003.

Gruaja  pretendon se ajo ishte ftuar në helikopter nga piloti David Martz, me të cilin ajo kishte krijuar një marrëdhënie miqësore. Doe pretendon se si piloti ashtu edhe Lee pinin alkool, dhe marijuanë gjatë fluturimit, por ajo dyshohet se nuk e konsumoi pijen alkoolike që iu ofrua. Në një moment, Martz dyshohet se e ftoi atë në kabinë, ku ndodhi sulmi.

Gruaja e ka paditur artistin për dhunë gjinore, shkaktim të qëllimshëm të shqetësimit emocional dhe neglizhencës, pasi pretendon se incidenti i supozuar e ka lënë atë me “tronditje të madhe, shqetësim, poshtërim, turp dhe faj”.  Ajo kërkon dëmshpërblim duke përfshirë mbulimin e shpenzimeve mjekësore.