Tom Cruise ka krijuar një traditë unike gjatë sezonit të festave që ka bërë shumë bujë në rrjetet sociale. Çdo vit, aktori i famshëm i Hollivudit dërgon një dhuratë të veçantë për miqtë dhe bashkëpunëtorët e tij: një tortë kokosi të famshme dhe shumë të shijshme.

Kjo tortë e përgatitur me çokollatë të bardhë dhe kokos vjen nga Doan’s Bakery, një pastiçeri e njohur në Woodland Hills, Kaliforni. Ajo kushton $190 dollarë dhe ka fituar një popullaritet të madh, duke bërë që edhe njerëzit e zakonshëm ta porosisin për miqtë e tyre.

Kolegu i Cruise, Glen Powell, i njohur nga filmi Top Gun: Maverick, ka bërë traditë organizimin e një feste të quajtur “Party i Tortës Cruise”, ku miqtë e tij mblidhen për të shijuar këtë ëmbëlsirë të veçantë. Powell e përshkruan tortën si aq të shijshme dhe të kërkuar, sa që shijohet me kursim për të zgjatur më shumë.

Torta e kokosit e Tom Cruise është kthyer në një simbol festiv mes të famshmëve dhe një kujtim i ëmbël i sezonit të festave që shumë presin me padurim çdo vit.