Tjetër sukses i madh për Kosovën në xhudo – Laura Fazliu fiton medaljen e artë

Xhudistja kosovare, Laura Fazliu ka fituar medaljen e artë në Lojërat Mesdhetare, Oran 2022.

Suksesi i xhudos në Oran të Algjerisë vazhdon edhe sot.

Këtë herë është Laura Fazliu e cila në finale mposhti spanjollen, Perez Cabana, kështu duke fituar medaljen e artë.

Në raundin e parë, xhudistja jonë kaloi pa lojë, në të dytin mposhti kroaten Iva Oberan, ndërsa në gjysmëfinale ajo mundi algjeriane, Amina Belkadi.

Kështu kjo është medalja e dytë e artë për Kosovën në Lojërat Mesdhetare, pas asaj të Distria Krasniqit, ndërsa Flaka Loxha e fitoi të bronztën.