Tiranë/ Vajza 3-vjeçare theu këmbën dhe u dhunua në kopshtin privat, policia shoqëron edukatoren!

Policia e Tiranës ka shoqëruar mesditën e sotme edukatoren e kopshtit privat që dhunoi vajzën 3-vjeçare, e cila përfundoi me këmbë të thyer në spital. 

Kujtojmë se rasti është denoncuar natën e mbrëmshme në emisionin “Stop” nga babai i vogëlushes, që sipas tij, nga dhuna i janë shkaktuar fraktura në këmbë. 

Dyshohet se e mitura është dhunuar nga edukatorja, Majlinda Dehima, në kopshtin privat “Stinët” në rrugën “Kushtrimi i lirisë” në Tiranë më 1 nëntor. 

Policia ka sekuestruar kamerat e sigurisë brenda kopshtit për të përcaktuar mënyrën se si vajzës i është thyer këmba brenda kopshtit. Ngjarja ka ndodhur në datën 1 nëntor në kopshtin privat “Stinët” në rrugën “Kushtrimi i lirisë”.