Vedat Muriqi është shndërruar në futbollistin më të dashur për tifozët e Mallorcas.
Këtë e dëshmon më së miri edhe fakti se një tifoze e klubit spanjoll e ka përjetësuar në trupin e saj sulmuesin kosovar, shkruan Express.
“Muajin tjetër kam ditëlindjen por tashmë po i bëj një dhuratë vetes. Ju thashë që e kisha menduar mirë dhe premtimi u realizua. Vedat Muriqi unë tashmë ju mbaj në lëkurën time përgjithmonë, pavarësisht të gjithave”, shkroi Marga në “Twitter”.
Ajo gjithashtu e mban në fotografinë e profilit në llogarinë e saj, një fotografi me Muriqin.
Sulmuesi prizrenas e ka parë këtë postim dhe e ka shpërndarë gjithashtu në “Twitter”, duke shkruar: “Nuk mund të besoj. Faleminderit”.
Vlen të theksohet se Muriqi po shkëlqen këtë sezon, duke qenë një prej futbollistëve kryesorë te Mallorca.
29-vjeçari në 32 paraqitje deri më tani në këtë sezon, në La Liga dhe Kupën e Mbretit, ka shënuar 14 gola dhe ka kontribuar me 4 asistime.
