Dele Alli ka zbarkuar në Turqi për ta kompletuar huazimin në Besiktas.
Ish-futbollisti i Tottenhamit është pritur si hero në Stamboll nga tifozët e klubit të tij të ri.
Pamjet që vijnë nga Stambolli e shfaqin futbollistin e Evertonit teksa pritet ngrohtë nga brohoritjet dhe këngët mikpritëse të tifozëve të njohur turq.
Mesfushori anglez u largua nga Evertoni për gjysmë viti, ndërsa kishte arritur në “Goodison Park” vetëm në muajin janar.
…and here Besiktas fans giving warm welcome to Dele Alli 🔥
#Besiktas
Dele will undergo medical tests as new Besiktas player on Thursday. pic.twitter.com/h0lY40UyD8— Fabrizio Romano (@FabrizioRomano) August 24, 2022
Kishte shpresa që ai do ta shpëtonte karrierën duke u larguar nga Tottenhami, por ai dështoi ta gjente veten edhe në ekipin e Frank Lampardit.
Përfaqësuesi anglez i bëri 13 paraqitje dhe nuk e realizoi asnjë gol, ndërsa në Turqi do ta ketë një start të freskët, në synim për ta rikthyer formën e dikurshme.
Ai arriti në Turqi në orët e hershme të së enjtes, ku u prit nga qindra tifozë të Besiktasit.
Futbollisti ofanziv do t’ju nënshtrohet sot vizitave mjekësore para se të zyrtarizohet nga klubi turk.
26 vjeçari u pa duke i udhëhequr tifozët në këndime dhe duke i duartrokitur dhe falënderuar ata për mikpritjen.
