Sulmuesi Alvaro Morata edhe pse iu bashkua vetëm verën e kaluar AC Milanit, është afër ta kompletojë transferimin te gjiganti turk Galatasaray.

Spanjolli pritet t’i bashkohet klubit turk në formë huazimi me obligim blerje.

Gazetari Fabrizio Romano raporton se Milani dhe Galata janë shumë afër për ta mbyllur marrëveshjen.

“Galatasaray është në negociata të avancuara për të nënshkruar me Alvaro Moratan nga AC Milani”.

“Bisedimet mes dy palëve po avancojnë për t’u kompletuar, të gjitha palët janë të gatshme për ta mbyllur në orët e ardhshme”.

“Morata tashmë i ka thënë po kalimit te Galatasaray pasi Milani planifikonte ta shiste… me detajet që do të jetë huazim me obligim blerje, ndërsa po finalizohet mes dy klubeve”, shkroi ai ndër të tjera.

32-vjeçari këtë sezon në Ligën e Kampioënve dhe Serie A ka zhvilluar 23 paraqitje, duke kontribuar me gjashtë gola e dy asistime në proces.