Policia e Kosovës ka arrestuar sot në Ferizaj personin me inicialet Q.B., femër e moshës 29-vjeçare, për shkak se ka sulmuar me thikë bashkëshortin e saj B.K. (32), duke i shkaktuar lëndime trupore.
Ngjarja ka ndodhur në rrugën “Besim Ndrecaj” në Ferizaj. Personi i lënduar, pasi ka marrë ndihmën e parë mjekësore në Qendrën Emergjente në Ferizaj, i njëjti është dërguar në Qendrën Klinike Universitare në Prishtinë për trajtim të mëtutjeshëm mjekësor.
Policia ka dalë për ta hetuar këtë ngjarje, e më pas në rast janë kyçur edhe hetuesit nga Sektori Rajonal i Hetimeve.
Pasi është intervistuar nga hetuesit rajonalë, në prezencë të avokatit mbrojtës me detyrë zyrtare, me vendim të Prokurorit të Prokurorisë Themelore të Ferizajt është iniciuar rasti vrasje e mbetur në tentative, ndërsa e dyshuara është dërguar në mbajtje 48 orë, për procedura te mëtejme hetimore.
