Partia Socialdemokrate ka mbajtur një aksion simbolik para Ministrisë së Arsimit, Shkencës dhe Teknologjisë, në lidhje me rezultatet në testin PISA, raporton Ekonomia Online.
Ata kanë ngjyrosur në objektin e Ministrisë mbishkrimin “990 ditë mungesa pa arsye”.
Anëtarja e Kryesisë së PSD-së, Donjeta Demolli, ka kërkuar dorëheqjen e ministres Arbërie Nagavci.
“Në një rast normal, në një shtet normal, kritika ndaj pushtetit ishte dashtë me u drejtuar drejtë dështimeve të pushtetit, mirëpo këtu e kemi një rast special të një ministre e cila është 990 ditë në mungesë dhe këto mungesa i ka të paarsyeshme dhe është e pa përjashtuar nga kryeministri”.
“Dje e morëm një rezultat shumë të dobët në PISA dhe e patëm një ministre që paturpësishtët doli dhe gënjeu publikisht. Sipas organizatës që e organizon testin PISA, Covidi nuk është arsyetim i mjaftueshëm për dështimin e shteteve për këtë çështje”.
![](https://ekonomiaonline.com/wp-content/uploads/2023/12/psd-1-1333x1000.jpg)
![](https://ekonomiaonline.com/wp-content/uploads/2023/12/psd-1333x1000.jpg)
![](https://ekonomiaonline.com/wp-content/uploads/2023/12/1-5-1333x1000.jpg)
![](https://ekonomiaonline.com/wp-content/uploads/2023/12/2-7-1333x1000.jpg)