Tërmeti tragjik në Marok, Kurti: Lajm i tmerrshëm

Kryeministri Albin Kurti ka shprehur ngushëllime për viktimat që vdiqën pasi një tërmet me magnitudë 7.2 goditi Marokun.

Në një postim në platformën “X”, Kurti ka shkruar se ky është lajm i tmerrshëm.

“Lajm i tmerrshëm për tërmetin e Marokut dhe humbjet shkatërruese që ka sjellë. Mendimet tona janë me të gjithë ata që janë prekur, si dhe me ata të cilët janë përfshirë në përpjekjet e kërkim-shpëtimit gjatë kësaj kohe sfiduese”, ka shkruar Kurti.

Ndryshe, mbi 2 mijë persona kanë humbur jetën nga ky tërmet në Marok.