Banorëve iu kërkua të evakuoheshin menjëherë, teksa autoritetet japoneze lëshuan një paralajmërim për cunami në zonën bregdetare Noto në Ishikawa.

Pamjet e publikuara nga mediat e huaja tregojnë “dridhjen” që pësuan ndërtesat për shkak të tërmetit tepër të fortë. Lëkundjet e forta kanë shkaktuar edhe çarje në disa rrugë.

Agjencia Meteorologjike e Japonisë lëshoi ​​gjithashtu një paralajmërim për cunami përgjatë rajoneve bregdetare të prefekturave Niigata dhe Toyama.

Ende nuk ka informacione zyrtare sa u takon dëmeve, teksa disa ndërtesa janë shkatërruar.