Tentoi ta mashtronte argjendarin pejan duke u prezantuar si agjent nga Zvicra, arrestohet i dyshuari

Një person është arrestuar në Rrugën “Qarshia e Gjatë”, në Pejë, pasi dyshohet se ka tentuar ta mashtrojë një argjendar duke iu prezantuar si agjent i sigurimeve në Zvicër.

Sipas raportit të Policisë së Kosovës, rasti ka ndodhur të mërkurën pasditë, teksa i dyshuari është arrestuar.

“Rr. Qarshia Gjatë, Pejë 30.12.2021 – 17:00. Është arrestuar i dyshuari mashkull  kosovar pasi që i njëjti është prezantuar si agjent i sigurimeve në Zvicër dhe më pas ka tentuar të mashtroj argjendarin viktimën mashkull  kosovar. Me vendim të prokurorit, i dyshuari është dërguar në mbajtje”, thuhet në raport.