Mjetet e hakimit të një kompanie Italiane janë përdorur për të përgjuar smartfonët Android dhe iOS në Itali dhe Kazakistan tha Google.
Kompania RCS, në uebsajtin e të cilës thuhet se agjencitë ligjzbatuese Evropiane janë klientë të saj, ka zhvilluar mjete përgjimi të mesazheve private dhe kontakteve.
Autoritetet Amerikane dhe Evropiane prej kohësh kanë menduar implementimin e kufizimeve për shitjen dhe importin e spyuerëve. RCS Lab tha për agjencinë e lajmeve Reuters se shërbimet e saj janë në përputhje me ligjet Evropiane dhe ndihmon autoritetet të hetojnë krime.
Ndërsa Google tha se ka marrë masat për të mbrojtur përdoruesit Android duke i paralajmëruar ata. Industria e zhvillimit të spyuerëve për qeveritë është rritur ndjeshëm me shumë kompani që zhvillojnë mjete përgjimi masiv.
Kjo industri u vu në shënjestër në vitet e fundit për shkak të kompanisë Izraelite NSO dhe softuerit të saj të përgjimit Pegasus përdorur nga disa qeveri për të përgjuar gazetarë, aktivistë dhe disidentë.
