Te Real Madridi janë të bindur që Kylian Mbappe nuk ka nevojë për operacion në hundën e thyer, lëndim që e pësoi në EURO 2024, me pushimin që thuhet se është gjithçka që kërkohet.
Reprezentuesi francez më në fund ka përfunduar një lëvizje në Santiago Bernabeu pas disa vitesh spekulimesh intensive. Ai është bërë ‘Galaktiku’ i fundit për presidentin e Mbretërve, Florentino Perez, pasi u largua nga Paris Saint-Germain si lojtar i lirë.
.png?auto=webp&format=pjpg&width=3840&quality=60)
Zbulimi zyrtar i Mbappe në kryeqytetin spanjoll tërhoqi një turmë të madhe, me fansat të emocionuar për të parë heroin e tyre të ri. Megjithatë, ai nuk do të përfshihet në turneun parasezonal të Realit në Shtetet e Bashkuara – për të mos rrezikuar gjendjen e tij fizike pas detyrës në Kampionatin Evropian që pati me Francën.
25-vjeçarit po i jepet gjithashtu kohë për t’u rikuperuar plotësisht nga goditja e rëndë në fytyrë që pësoi më 17 korrik, që futbollistin e detyroi të paraqitej me maskë në fushë. Sipas AS, ekipi mjekësor i Realit besojnë se nuk do të nevojiten veprime të mëtejshme kirurgjikale, duke shmangur një operacion, pasi mendojnë që pushimi është i mjaftueshëm.
Pretendohet se Mbappe do të bashkohet me bashkëlojtarët e rinj më 8 gusht, kur ata të kthehen nga Shtetet e Bashkuara. Kjo do të thotë se debutimi i tij për kampionët në fuqi të Ligës së Kampionëve dhe La Ligës mund të vijë në një përballje të Superkupës së UEFA-s me fituesin e Ligës së Evropës, Atalanta, më 14 gusht.
