Uragani Otis mori jetën e të paktën 27 njerëzve, tha qeveria e Meksikës të enjten pasi një nga stuhitë më të fuqishme që ka goditur ndonjëherë vendin preku plazhin Acapulco, duke shkaktuar dëme që arrijnë në miliarda dollarë.
Otis, i cili goditi Meksikën të mërkurën si një stuhi e kategorisë 5, përmbyti rrugë, rrëmbeu çatitë e shtëpive dhe hoteleve, zhyti makinat dhe ndërpreu zhvillimin e komunikimit, rrugët dhe aksesin ajror, duke lënë një gjurmë rrënojash nëpër Acapulco, një qytet me gati 900,000 banorë.
Katër persona janë ende të zhdukur, tha qeveria.
Otis, i cili u intensifikua papritur me shpejtësi në brigjet e Paqësorit, ishte aq i fuqishëm sa grisi pemë të mëdha nga rrënjët, duke shpërndarë mbeturina në të gjithë Akapulkon. Ajo përmbyti spitalet dhe qindra pacientë duhej të evakuoheshin në zona më të sigurta, shkruan Reuters.
