“Social Top 5” është një rubrikë e emisionit “Live From Tirana” që sjell vëmendjen tek personazhet e famshëm, qofshin ata shqiptarë apo të huaj. Teksa të gjithë jemi gjithë sy e veshë se çfarë postojnë yjet në rrjete sociale, kjo ndikon dhe tek numri i tyre i ndjekësve në “Instagram”. Le t’i hedhim një sy personazheve që kanë fituar më shumë ndjekës brenda kësaj jave…
Pas pjesëmarrjes në “Big Brother VIP 3”, Ilnisa Agolli rikthehet sërish në ekranin e Top Channel. Këtë herë me një emision të sajin. Podlasti “Flet” me Ilnisa Agolli në Top Channel dhe Top Albania Radio, një hapësirë ku fjala takohet me njeriun. Me të ftuar nga fusha të ndryshme; nga politika, kultura, arti dhe jo vetëm. Ilnisa këtë javë ka fituar 2 mijë ndjekës dhe numëron tani 134K.
Kiara Titon e shohim tanimë çdo të diel në ekranin e Top Channel si një nga moderatoret e show-t të humorit “Portokalli”. Natyrisht që fansat e saj dhe publiku e kanë pritur mjaft mirë këtë rikthim të sajin në ekran. Kiara nuk ka ndryshuar në numrin e saj të ndjekësve dhe numëron sërish 841K.
Yll Limani, një nga artistët më të dashur dhe më të ndjekur të skenës muzikore shqiptare, ka emocionuar ndjekësit me një lajm të veçantë. Përmes një videoje të publikuar në “Instagram”, këngëtari ka zbuluar se më 27 dhjetor do të ngjitet në skenë për një koncert të madh në Prishtinë. Ylli ka fituar 1 mijë ndjekës këtë javë dhe numëron 838K.
E ftuar në “Ndryshe” në Top Albania Radio me Salsano Rrapi dhe Elona Duro ka qenë modelja dhe sipërmarrësja Aurela Hoxha.
Me një karrierë disa vjeçare në botën e modës, Aurela Hoxha është larguar nga Shqipëria përpara disa kohësh pasi ka nisur një jetë të re në Spanjë, ku ka krijuar dhe një linjë me bikini. Aurela dha një intervistë ekskluzive dhe shumë detaje të pathëna më parë. Ajo nuk ka ndryshuar në numrin e ndjekësve duke numëruar sërish 1.2M.
Dea Vieri, së bashku me të ftuarit e saj, do t’ju vijnë në ndihmë në “Magjia e Festave”, emisionin më të ri në Top Albania Radio që nis nga 2 dhjetori. TAR mendon për të gjithë, duke ju sugjeruar planet perfekte gjatë këtyre festive. Dea ka fituar këtë javë 900 ndjekës dhe numëron tashmë 71.9K. /Top Albania Radio/
